मोफत आरोग्य तपासणी शिबिर

 

पुनावळे मल्टीस्पेशालिटी हॉस्पिटल आणि डॉ. निकाळजेज हेल्थकेअर फाऊंडेशन यांच्या संयुक्त विद्यमाने मासुळकर सिटी लिटल अर्थ किवळे (कोलते पाटील यांचा प्रकल्प) येथे दिनांक २४ जानेवारी २०२४ रोजी दुपारी २.०० वाजता मोफत आरोग्य तपासणी शिबिराचे आयोजन करण्यात आले होते. एकूण ११९ मजुरांनी त्यामध्ये सहभाग नोंदवून आरोग्य शिबिराचा लाभ घेतला, या शिबिराचे आयोजन श्री गणेश परदेशी (सेफ्टी मॅनेजर) यांनी केले , मोफत आरोग्य शिबिरात रक्तदाब तपासणी , रॅंडम शुगर टेस्ट , दंत तपासणी , सामान्य तपासणी व औषधे देण्यात आली ,

डॉक्टर राजकुमार निकाळजे आणि डॉक्टर मोनाली निकाळजे यांच्या मार्गदर्शनानुसार या शिबिरासाठी नेमण्यात आलेले पुनावळे मल्टी स्पेशलिटी हॉस्पिटलचे कर्मचारी वर्ग, सहभागी डॉक्टर किरण निकाळजे (जनरल डॉक्टर),  डॉक्टर सृष्टी धांडे (डेंटिस्ट) , श्री सरोज गांगुर्डे (लॅब टेक्निशियन) , श्रीमती मीना मलुले (नर्स) ,श्री विद्याधर (फार्मासिस्ट) ,श्री संकेत (ॲम्बुलन्स ड्रायव्हर) , श्री प्रवीण पिंगळे , श्रीमती रूपा निकाळजे ,श्री स्वप्निल निकाळजे, श्रीमती आरती व विशाल निकाळजे इत्यादी उपस्थित होते. शिबिराला मिळालेला उत्तम प्रतिसाद पाहून लवकरच ब्लड डोनेशन कॅम्प घेण्याचे आश्वासन श्री गणेश परदेशी यांनी यावेळी केले.

डॉक्टर निकाळजेज हेल्थकेअर फाउंडेशन हे विविध शैक्षणिक, आरोग्य आणि पर्यावरण यासाठी कार्यरत आहे, संस्थेमार्फत गरजूंना सवलतीच्या दरात कम्प्युटर क्लासेस , इंग्रजी बोलण्याचे क्लासेस , माफक दरात उपचार अशा प्रकारचे कार्यक्रम चालवले जातात.

रक्तदान करा आणि तिघांचे प्राण वाचवा

 

आज दिनांक ११ मार्च २०२४ रोजी कोलते पाटील - लिटिल अर्थ, येथे डॉ. निकाळजे हेल्थकेअर फाऊंडेशनतर्फे रक्तदान शिबिराचे आयोजन करण्यात आले होते, सेफ्टी मॅनेजर गणेश परदेशी यांनी पुढाकार घेतला आणि शिबिर यशस्वी झाले , तसेच पुनावळे मल्टिस्पेशालिटी हॉस्पिटलचे सीईओ विशाल निकाळजे यांनी यात भाग घेऊन प्रथमच रक्तदान केले ते म्हणाले रक्तदान ही समाजाची गरज आहे, आणि प्रत्येकाने रक्तदान केले पाहिजे , रक्तदान करून जीव वाचविणे ही माणूस म्हणून आपली जबाबदारी आहे ,

 

अपघाताच्या प्रसंगी आणि ऑपरेशनमध्ये आपण असे रुग्ण पाहिले आहेत ज्यांना रक्ताची गरज आहे , रक्तदान करून त्यांचे प्राण वाचविणे आवश्यक आहे , एका रक्तदानामुळे तीन जणांचे प्राण वाचू शकतात . जेव्हा आपण रक्तदान करता तेव्हा ते चार प्रमुख घटकांमध्ये विभागले जाते: प्लेटलेट्स, प्लाझ्मा, लाल रक्त पेशी आणि पांढर्या रक्त पेशी. आणि त्याहीपेक्षा आपण फक्त एका व्यक्तीला वाचवत नाही तर एखाद्या कुटुंबाचा जीव वाचवण्याचे कारण असू शकतो ...

 

डॉ. निकाळजे यांची हेल्थकेअर फाऊंडेशन शिक्षण, आरोग्य आणि पर्यावरण रक्षणाचे काम करत आहे, रक्तदान मोहिमेच्या या कार्यक्रमाद्वारे आम्ही सर्वांना आवाहन करू इच्छितो , आमच्यात समाजाचे भले करण्याची क्षमता आहे आणि आपण रक्तदानाचे कार्य करून ते करू शकतो, प्रत्येक वेळी रक्तदान करून 3 जणांचे प्राण वाचविण्याचा मान मिळवू शकतो